இதயம் தின்ன வருகிறது...
பின்
மறந்தே...
போகிறது...

ஈரமதியே...இளநிலவே..
இதயம் பாரேன் பரிமளமே..
உன் வாய்யுண்டே நான் இளைத்தேன்
ஓர்வாய் கொண்டே உயர்வாய்..
ஒழுகவிடு பிடித்தேனே..
பாவாய் உன்னைப் பிடிக்கிறதே..
பகல்வாய் என் பால்நிலவே..
ஊர்வாய் என்னுள் எப்போதும்..
ஒருவாய் காதல் ஊட்டிவிடேன்.

என் வலி கண்டு..
பிரசவித்தான் அன்பை
அதை அறிந்து..
எங்கோ ஒரு சிசு பிறந்தது
சுகப்பிரசவமாக...

சமாதானம்
தூய்மை
புனிதம்
அழகு...
என்உடையில்..

இது
வாள்உடையா...?
பாழ்உடையா..?

சிலர்
ஒதுங்குகிறார்..
பலர் ஒதுக்குகிறார்கள்
வேண்டியோர் நெருங்குகின்றார்..
சில மனிதம் படைத்த மனம் உடைந்து நொறுங்குகிறது

வலி
வேதனை
அவஸ்தை மறைத்து...
சீதேவி
பெண்பால் போலும்..
நிரப்பிக்கொண்டே இருப்பாள்
அவளால் ஆனவரை,முடிந்தவரை
அவளில் கட்டப்பட்ட கலத்தில்..!

நீ....
பகுபதமா..
பகாப்பதமா..
இப்பதமும் தெரியாமல்
நான்..!
சொப்பனத்தில்...

விசை நின்றது தெரியாமல்
திசைமாறிய பறவைபோல்
திகைத்து நிற்கின்றேன்
நீ என்ன திசைஅறிகருவியா...

குரும்பட்டிக் குலைபோல்
கருப்பட்டியாய் பா வடிக்க..
பார்க்காதே பார்க்காதே...என
திருகித் திருகி உண்டதிலே
என் ஜிமிக்கு முத்தை
திக்குமுக்காட வைச்ச பா கா தாச்சே..!

ஏதாவது எண்ணை பட்டால்
வெடித்துகிட்டே இருப்பேன் படபடவென
நீ என்ன எண்ணை ...?
வெடிக்காமலே தாளிக்கப்படுகிறாய்..

எதுகையாய் இருந்தால்
மோனையாய் விழுகிறாய்..
எது கை காட்டு! அந்த பாதுளை விரலுக்கு
மாதுளை வைத்து கணையாழி செய்ய..

விளம்பரம் இருந்தால்தானே விற்பனையும்..
கற்பனை சுயம்வரமும் சுரந்தடையும்
விழும் பாரம் உனக்கு தெரியவில்லையா...

கள்பனைபோல் கிடக்கும்
இந்த விளா மரத்தின்...வில்வ பழத்தின்
சுவையறியாமல்..
விட்டத்தை ஏன் இன்னும் தொட்டே நிற்கிறாய்..

எங்கே அன்புகுறியென வழிதேடி
சொல்வனத்தில் தொலைந்து போகிறேன்
குத்தி இழுக்கிறதே கொண்டை ஊசிபோல் கெண்டையை
என்னைக்கடைய எந்த கடை ய நல்லூரில் வாங்கிவந்தாய்
அந்த குத்தூசி இதயத்தை..!
என் இதயம் குடைசாய்தே கிடக்கிறது.